Paintable Cafe (Closed)

返母校懷念下過去見到附近變晒樣，仲多左好多cafe ，朋友介紹學校附近呢間Cafe除咗有得打卡之外，食物質素亦都好唔錯，所以一於試吓，因為實在太熱，嗱嗱聲叫咗兩杯嘢飲，cafe最緊要係咖啡有質素，而呢度真正做到，咖啡香濃，飲完醒神晒，另外熱情果梳打直頭有消暑清涼嘅感覺， 夠爽夠好味。炸雞軟骨新鮮炸起，炸得好酥脆，配埋黑松露沙律醬特別惹味，唔覺唔覺可以食晒一大半。黑松露帶子意粉真係要讚一讚，見到Cafe都係以小店形式，煮意粉有家庭式嘅感覺，但係味道完全有大餐廳嘅水準，意粉軟硬程度剛剛好，味道非常濃郁，好香，而且好creamy ，帶子亦都好大粒，好鮮甜好有口感，而且份量好多，真心好味。甜品點左個香煎牛角包窩夫，又係新鮮即製，牛角包窩夫外脆內軟配埋雪糕，冷熱嘅感覺一齊食非常夾，香脆焦糖配香蕉，真係好好味，重點係唔會太甜，小朋友食到唔停得口，下次再嚟開探母校老師，一定會再嚟呢間Cafe，果然朋友冇介紹錯。