Video
Read full review
2021-04-16
1634 views
lunch set 性價比較低又一間灣仔新開嘅打卡Cafe作為灣仔返工嘅我當然要快啲試吓啦！🌸平日人均消費$120🌸星期六日人均消費$150即係最少都要食一個set平日唔見有包點set lunch $128-158(另+1服務費)仲要唔包嘢飲，所以人均消費都幾貴下💔等咗差唔多接近30分鐘因為時間實在太趕所以都冇擺得好靚靚整體覺得嘢食比較原味道同健康(味道比較清)忌廉紫薯湯🍵 - 質地唔算好杰，入口好香紫薯味而且唔會有紫薯粒粒嘅，打得好滑身(前菜都試勻晒)烤日本南瓜 - 面層灑上玉桂粉的南瓜蓉，南瓜蓉都幾甜，不過個人唔太鍾意有玉桂粉嘅味道日式苦瓜蛋餅 - 呢個算係比較特別嘅前菜👌🏻兩層唔同色嘅蛋餅，苦瓜唔苦但食到有苦瓜味，而且蛋都幾滑，咁啱我嗰舊有啲似火車頭造型，外貌幾特別😆炒雜菌 - 就係雜菇炒雜菇，好香嘅野菌味但唔太重味迷你甘筍藜麥沙律 - 就係一個好健康嘅沙律，藜麥位置有少少健康嘅醬汁味道，少少開胃菜但味道又唔算好fresh好正👉🏻👈🏻咖啡豬仔骨$138少有地豬仔骨竟然配上嘅係咖啡？🧐味道方面其實唔會食到有濃濃嘅咖啡味，旁邊嘅相信係咖啡造成嘅粉末，味道正正常常，但豬仔骨肉嘅位置比較
又一間灣仔新開嘅打卡Cafe
作為灣仔返工嘅我當然要快啲試吓啦！
🌸平日人均消費$120
🌸星期六日人均消費$150
即係最少都要食一個set
平日唔見有包點
set lunch $128-158(另+1服務費)
仲要唔包嘢飲，所以人均消費都幾貴下💔
等咗差唔多接近30分鐘
因為時間實在太趕所以都冇擺得好靚靚
整體覺得嘢食比較原味道同健康(味道比較清)
忌廉紫薯湯🍵 - 質地唔算好杰，入口好香紫薯味而且唔會有紫薯粒粒嘅，打得好滑身
(前菜都試勻晒)
烤日本南瓜 - 面層灑上玉桂粉的南瓜蓉，南瓜蓉都幾甜，不過個人唔太鍾意有玉桂粉嘅味道
日式苦瓜蛋餅 - 呢個算係比較特別嘅前菜👌🏻兩層唔同色嘅蛋餅，苦瓜唔苦但食到有苦瓜味，而且蛋都幾滑，咁啱我嗰舊有啲似火車頭造型，外貌幾特別😆
炒雜菌 - 就係雜菇炒雜菇，好香嘅野菌味但唔太重味
迷你甘筍藜麥沙律 - 就係一個好健康嘅沙律，藜麥位置有少少健康嘅醬汁味道，少少開胃菜但味道又唔算好fresh好正👉🏻👈🏻
咖啡豬仔骨$138
少有地豬仔骨竟然配上嘅係咖啡？🧐
味道方面其實唔會食到有濃濃嘅咖啡味，旁邊嘅相信係咖啡造成嘅粉末，味道正正常常，但豬仔骨肉嘅位置比較少，而且只有兩條，份量有啲少
那威三文魚柳配綠茶麵豉醬$148
三文魚煎得好香，而且火候控制得啱啱好，唔會太過老，抹茶麵豉醬嘅味道唔算太誇張，其實就係麵豉醬三文魚在灑上綠茶粉，味道亦中規中矩唔算好有驚喜
嘢飲方面當然叫番杯我最鍾意嘅match latte
不過set lunch係唔包㗎！
Match latte用既奶唔算好香，而且入口比較杰，質地唔算好滑，飲完之後覺得口腔仲有陣陣抺茶殘餘，整體方面咖啡水準比較一般
環境方面真係好適合打卡，可惜坐唔到打卡位
嘢食性價比相對低，最想食嘅甜品同包平日好似都冇供應，可能只係星期六日先有，不過星期六日有人均消費$150，去完一次真係未必會再去🥲
Post
