Video
Read full review
2023-01-02
41 views
之前見過依間cafe可以打印自己想要嘅相落去杯咖啡度已經想試, 適逢咁啱去開K11, 就諗住同朋友去食下。餐廳真係非常啱打卡, 而且放咗啲藝術品product可以睇吓。我哋係聖誕節期間嚟，見餐廳都推出咗個聖誕套餐($328)，有得揀日本和牛西冷同埋波士頓龍蝦兩個選擇，見佢wagyu steak係推介，毫不猶豫就揀咗。套餐仲有包個餐湯同埋飲品。是日餐湯係蕃茄湯，估唔到都有驚喜，因為佢入邊嘅麵包有用橄欖油輕輕焗過嘅口感同味道，而且蕃茄湯嘅蕃茄味非常之新鮮，濃度ok，飲落非常之開胃。朋友怕食太生所以我哋叫咗七成熟。即使係七成熟，切開入邊都仲係微紅，入口feel到脂肪部份溶化嘅感覺，牛味香濃，食落都唔會好韌。旁邊有啲芥末mustard醬同味鹽點下和牛。配菜方面有啲烤南瓜、車厘茄、同埋青瓜。其中日本南瓜都幾軟綿入味，其他配菜都可以解下肥膩嘅感覺。橄欖油炒墨魚汁意粉配帶子($188)擺碟好有心思，中間放咗啲食用花朵，好啱打卡。帶子竟然有五粒咁多，而且粒粒都好嫩滑飽滿。意粉用咗蒜片、辣椒、橄欖油同埋黑椒調味，即使調味簡單，味道都唔錯的。套餐再加$48, 點咗一杯招牌嘅打印咖啡, 可以自選圖像. 咁啱
餐廳真係非常啱打卡, 而且放咗啲藝術品product可以睇吓。
我哋係聖誕節期間嚟，見餐廳都推出咗個聖誕套餐($328)，有得揀日本和牛西冷同埋波士頓龍蝦兩個選擇，見佢wagyu steak係推介，毫不猶豫就揀咗。套餐仲有包個餐湯同埋飲品。
是日餐湯係蕃茄湯，估唔到都有驚喜，因為佢入邊嘅麵包有用橄欖油輕輕焗過嘅口感同味道，而且蕃茄湯嘅蕃茄味非常之新鮮，濃度ok，飲落非常之開胃。
朋友怕食太生所以我哋叫咗七成熟。即使係七成熟，切開入邊都仲係微紅，入口feel到脂肪部份溶化嘅感覺，牛味香濃，食落都唔會好韌。旁邊有啲芥末mustard醬同味鹽點下和牛。
配菜方面有啲烤南瓜、車厘茄、同埋青瓜。其中日本南瓜都幾軟綿入味，其他配菜都可以解下肥膩嘅感覺。
橄欖油炒墨魚汁意粉配帶子($188)
擺碟好有心思，中間放咗啲食用花朵，好啱打卡。帶子竟然有五粒咁多，而且粒粒都好嫩滑飽滿。
意粉用咗蒜片、辣椒、橄欖油同埋黑椒調味，即使調味簡單，味道都唔錯的。
套餐再加$48, 點咗一杯招牌嘅打印咖啡, 可以自選圖像. 咁啱聖誕節我哋就揀咗一幅有聖誕樹嘅圖片, 印出嚟都算清楚同顏色鮮艷。飲品個底我哋叫咗朱古力，味道濃郁，上邊打印嘅部份其實都係cream，叫做見識過咩係圖片打印咖啡啦。
Post
