THE PONT (Closed)

朋友提議食呢間cafe先知道原來髮型屋入面係仲有間餐廳，原諒我嘅孤陋寡聞🙈🙈🙈🙈🍴 小食拼盤- 泰式蜜糖辣肉腸：成個拼盤最好食係佢，泰式風味重，辣辣地，似冬蔭公味道- 馬蘇里拉芝士條：夠熱夠脆，食落芝士有拉絲效果🧀- 辣脆雞翼：單骨雞翼，隻味似快餐店而且夠香脆，如果有泰式辣醬提供就更好😆- 泰式辣肉墨西哥脆脆：脆脆似超市墨西哥薯片，泰式辣肉比較少，好多脆脆都點唔到個醬，失色咗啲🍝 松露忌廉牛肝菌意大利粉松露香氣好出，一路食一路都聞到，醬汁足夠可以掛滿每條意粉。🍾白酒煮藍青口青口食落無沙，煮得啱啱好，唔會過熟變韌，再配咗兩塊麵包俾你點汁，但無咩特別🙈🍝 龍蝦汁大蝦蜆意大利粉意粉軟硬適中，龍蝦汁食唔出有龍蝦味，比較淡口，大蝦食落爽口。🥗烤牛腹肉配牛油果醬（16安士)牛腹肉份量都多但比較少脂肪所以偏韌同無咩牛味🙈整體餐廳坐得舒服，好多位置適合打卡影相，食物正常但無特別記憶點。