Contrast

Open Now

Now Closed

💡打卡chill爆黑白cafe💛長沙灣最近開咗唔少咖啡店，依間就以黑白為主題，裝修休閒舒適，係打卡飲咖啡嘅好去處。假日人比較多，隊都比較長，小編就揀咗平日嘅朝早去，完全唔駛等位，可以chill一chill💛🍽 all day breakfast早餐包括有焗蘑菇、蕃茄、豬肉腸、芝麻醬沙律、炒蛋。成份早餐最吸睛一定係黑炭多士，可惜多士偏硬身，如果有牛油跟應該會好啲，而黑炭味就比較淡，要細嚼先食到微炭味。炒蛋就一般，水多左啲，蛋同牛奶味都唔夠。最令小編驚訝就係豬肉腸，好有豬肉味，一咬落去啲肉汁爆出黎，好正！🍽 Ice Charcoal Latte小編鍾意試新野，一見到咁特別嘅飲唔，決定試一試。望落杯latte好靚，非常IGable。可惜latte味道都唔係好出，聞唔到咩味。但會飲到啲粉粒，睇真係黑色粉粒，應該係charcoal粉，飲到尾會有好多粉沉係底，每次飲最好搞一搞。可能加上係凍飲，令成杯野都無咩味🙈ps/環境真係好靚，打卡真係一流！最重要係支持良心小店💛推介度：⭐️⭐️⭐️⭐️