幸福班戟

Open Now

Now Closed

朋友想坐低食甜嘢傾吓偈🥳，我哋不約而同🤗諗起"幸福班戟"。 佢哋強調班戟無添加劑，不採用泡打粉，以獨家天然方法令到班戟香軟鬆化。我哋揀選咗招牌 - 幸福班戟同埋Tiramisu班戟。 落單後，大約等了15分鐘，兩個班戟餐同時送上。 班戟輕盈軟綿綿，搖動餐碟時， 班戟鬆軟到彈吓彈吓。 而且雞蛋和牛奶味濃郁撲鼻，班戟入口軟綿鬆軟充滿微微嘅空氣感，加上糖漿和柔軟嘅忌廉，香甜好味，食完真係好幸福哦 😌至於Tiramisu班戟，除了軟滑忌廉，熱朱古力醬和Mascarpone cheese，還有一小杯Espresso，可根據自己口味倒入班戟，濃郁嘅咖啡與 鬆軟嘅班戟慢慢融合，口感豐富， 真係好好味👍總括嚟講， 班戟嘅味道是不錯的，但價錢不太化算，間中幫襯下作為獎勵自己亦無妨。