Mamaday Studio (Closed)

一直知道好多人嚟打咭 去開佐敦順便嚟試下佢嘅咖啡 由門口開始一直行到樓上 成間舖嘅裝修真心係好有特式嘅今次試咗兩杯signature▫️豆腐豆腐咖啡面頭有豆腐雪糕 而咖啡入面都有好碎好碎嘅豆腐 開頭都以為個配搭好奇怪 但原來豆腐同咖啡都可以好夾 而且個口感都好滑▪️海鹽焦糖咖啡應該係我目前飲過最好味嘅海鹽焦糖咖啡 海鹽味道好突出 同焦糖呼應得好好💖本身想試埋cake 不過當日cake嘅款式好普通 所以無興趣咖啡真係ok嘅 不過個人嚟講就唔會再去 放假同朋友出嚟hea 目的係又relax又chill咁靜靜傾下計 但係太多人專程嚟打咭 個個走嚟走去其實真係令人好煩燥 另外店入面有貓嘅 好細隻 目測未夠半歲 見到大家都好開心 佢本身自己行嚟行去周圍聞下 突然間有個女仔衝嚟抱起佢帶佢去另一層 我想講：貓係動物 大家可以幫佢影相 但並唔係比你地打咭 更唔係比你安排佢去邊度就去邊度 佢好地地自己行嚟行去 點解要夾硬抱走佢?而店主如果你有緣睇到呢個post 希望你可以諗下如果貴店太忙 未有足夠人手去睇住貓貓嘅 應該認真諗下是否適合放貓喺舖