聖安娜餅屋 (天澤商場)

Open Now

Now Closed

聖安娜推出咗新蛋糕，一向都鍾意飲好立克既我，買咗一個半磅既好立克蛋糕試下。個樣好靚，成個外圍都係好立克特有既米白色，上面放咗士多啤梨同藍莓，我已經急不及待要切開佢。裏面分層好清楚，最外面係好立克mousse，中間有一層好立克軟心，再有蛋糕夾住d朱古力薄脆。先刮少少好立克mousse出黎食，好滑，軟綿綿，入口即溶，淡淡既好立克味即刻係口腔裏面湧現。一大啖「畢」出黎，好立克軟心慢慢流落黎，流到蛋糕入面，一咬，好重好立克味，朱古力薄脆咬到脆脆作響，好幸福，個蛋糕完全將好立克既味道呈現出黎，可講係固體好立克既代表。