板長壽司 (Closed)

寫了食評一段時間，抱著感恩欣賞食物的心態，很少留下負皮。好食的，一定會讚，加以鼓勵。唔岩食的，有一定誠意，也欣賞一下，不致加以打擊。但作為連鎖壽司店，素價不菲，卻做出奇怪食物，不見心思、不見功架，就要正視了。曾經是壽司店的龍頭，長長排長龍，近年食物質素下降已經是不爭的事實。估唔到呢一兩年仲常常有奇怪的menu推出。今次同朋友行過入來食一食，估唔到又中一個大伏。和牛卷本來是美食，但意想不到佢地竟然拎紫菜去炸。無錯！就係炸。紫。菜。一拎出來我地已O咀，為何紫菜要沾上炸粉下炸鑊？炸都唔緊要，炸完後，紫菜同飯徹底分離，鬆鬆散散。何苦呢？打算淨食牛肉好了，牛肉也是沒有牛味，乾硬的。時移世易，食壽局打大佬不用再壽深水埗。梗有一間板長在左近。奉勸老闆們，與其創下古怪餐單，還是用心選購食材、製作食物好了。