1988 (Closed)

約左班姊妹傍晚係隔離工廈打閨蜜金， 前一日上網搵食見到1988 好評又💛， 即刻打去book。 接電話哥哥仔都好細心， double check 預約名，時間，人數及電話； 當日係booking 時間2小時前都再打黎 confirm。 最後我地早左半小時到， 即時被安排提前入座，見到預約檯嘅牌仔。 入餐廳前掃google form 填表， 探熱同消毒。 餐廳內環境幾好， 舒服唔吵鬧。點餐、 出餐都快靚正。1. 小食拼盤 ～ 味道唔錯，辣醬俾足夠， 係魚肉餅偏鹹2 生菜肉碎包 ～ 好大份， 足料，不過辣度唔夠3. 鳳爪沙律 ～ 好大份， 一樣唔夠辣， 不過入味4. 豬頸肉 ～ 好好味， 醬汁恰到好處， 肉嫩唔乾5. 海南雞 ～ 份量好大， 雞味濃， 配搭醬汁已經好好味6. 泰式金邊粉 Pad Thai ～ 入味， 足料， 偏濕但可接受7. 冬陰功湯 ～ 4 人份量， 偏酸唔辣， 蝦、 菇都入味，鮮甜 8. 芒果糯米飯 ～ 糯米飯偏大份， 少芒果， 香但唔重味飲品淨係叫泰式奶茶， surprisingly 唔太甜， 都大杯。