五餅二魚美食料理

Open Now

Now Closed

今日番工，同事收到張傳單，一餸飯$25，我見到咁抵，即刻做白老鼠試下先。咁岩今日想食涼瓜，所以叫左個涼瓜牛肉飯食。中午去到佢既自取點，唔係好見有人，因為第一次叫，唔熟路，驚去錯地方，所以我打番去間鋪問，佢好熱心咁幫我問下個外賣姐姐去到邊。之後外賣姐姐到既時候（都係遲左幾分鐘而已），都係咁講唔好意思，搞到我都唔係幾好意思😆，係咁同佢講番唔緊要。一拎外賣上手，有d驚喜，佢係分兜裝（1兜餸，1兜飯）。番到公司開餐，個飯仲熱辣辣👍。以$25黎講，呢個份量認真抵食，仲要幾好味😋夠多汁，除左涼瓜牛肉，仲有幾棵菜食，幾好。不過唯一唔好處就係，菜單選擇較小，可能岩岩開始做午餐，未穩定，都明白既。