豪園餐廳 (Closed)

因為喺附近番工，豪園都大大話幫襯左幾年，早餐都偶然有食，今日見早左少少到，就唔買M記喇，坐低食個早餐。不過呢度過左11點就冇早餐食，所以只能夠係叫常餐~常餐價錢…就當然係貴，一個佬飯都食到嘅價錢。超值常餐：五香肉丁通粉 配火腿奄列、烘底方包 $41 (凍飲加$3)入到黎先醒起過左11點，本來想食個一丁，但常餐一丁要再加4蚊，所以放棄。肉丁份量都算多架喇，有啲茶記勁搵笨~不過冇乜味道，完全唔辣，係有少少無癮。通粉都多，食唔哂，但真係冇味。相對而言，個奄列都叫幾好食，雞蛋唔會煎到痴哂鍋撈，乾乾淨淨，雖然都同一般茶記一樣，係凍嘅。沙嗲牛肉公仔麵 配芝士火腿飛碟 $43 (凍飲加$3)比起肉丁，沙嗲牛肉性價比較高，起碼份量OK，但又唔會冇味。另外如果唔要火腿奄列可以加錢轉飛碟，雖然常餐係比較貴，但如大食人士都會飽的，味道只屬一般。