黑蒜 (太古廣場) (Closed)

黑蒜 Black Garlic 金鐘皇后大道東1號太古廣場三座B3樓6號舖黑蒜令我想起多年前流行的養生健康食品, 蒜頭發酵後沒了辛辣, 變成黑蒜, 味道會轉甜似食西莓。之但係呢間黑蒜是外賣飯盒店架。有個LUNCH SET 一個飯+飲品$80, 在PACIFIC PLACE 來請叫好抵架啦, 係金鐘返工都知太古廣場都是高消息, 堂食一個LUNCH最平都要$150-200。個SET 會轉換菜式, 每次都有5個OPTIONM2 泰式青咖喱鯛魚及M3 茄汁豬扒茄汁豬扒雜谷飯仲有幾條蔬菜, 雜谷飯健康營養比白米飯高，纖維都多, 有時食完飯中午好快餓要食零食, 食完呢份剛剛好。茄汁豬扒好有港式飯架FEEL 呢!泰式青咖喱鯛魚唔會太辣. 反而個咖喱味幾香, 有椰汁, 魚肉又腍身。LUNCH SET 可選湯或飲品, 靑紅蘿蔔煲瘦肉是家常湯味道, 沒味道架。紫荊奶茶茱味濃郁。