Video
Read full review
2008-05-30
12 views
十點收工,收到好友MSN相約在旺角打冷, 即時msg今期焦點食家姚東師傅索吓料......佢推介樂園打冷.十點半到,見到佢哋其他分店爆到坐出街,唯獨打冷舖入面仲有空枱,二話不說就衝咗入去涼冷氣.坐低叫咗四餸一粥.味道潮州三寶,有豆角肉甫,花生和咸生菜,可能夜的關係,豆角肉甫 "淋"哂,不過味道搭救.普通花生,生咸菜就真係值得一試,最後真係幾想encore一碟淨生咸菜送潮州粥食鹵水鵝,原本想叫鵝片但冇,改叫鵝件,有d韌, 師傅切得長得濟,賣相一流,但太大塊,一啖食唔哂,咬開,肥瘦肉又不均....合格囉...都係鵝片正d.芽菜豆腐....普通炒聖子...真係好唔得....聖子本身有沙,師傅大力炒得濟....炒到d聖子殼碎哂...一口肉,一口沙加成口碎殼......想点先?環境+衛生本身對打泠都唔期望高,但係佢環境真係差.地下有餸不在話吓,仲有勁多蚊滋,係成羣結隊咁....心都寒服務舊式服務,舊式態度,都係打冷預咗啲嘢.不過都催過幾次單....連汽水都要催.抵食 計埋得得三分一個餸好食(三寶中的咸生菜)$224倆個人打泠真係唔抵食.後記......一路食一路燥....心想玩嘢呀?姚東師傅推d
十點收工,收到好友MSN相約在旺角打冷, 即時msg今期焦點食家姚東師傅索吓料......佢推介樂園打冷.
十點半到,見到佢哋其他分店爆到坐出街,唯獨打冷舖入面仲有空枱,二話不說就衝咗入去涼冷氣.坐低叫咗四餸一粥.
味道
潮州三寶,有豆角肉甫,花生和咸生菜,可能夜的關係,豆角肉甫 "淋"哂,不過味道搭救.普通花生,生咸菜就真係值得一試,最後真係幾想encore一碟淨生咸菜送潮州粥食
鹵水鵝,原本想叫鵝片但冇,改叫鵝件,有d韌, 師傅切得長得濟,賣相一流,但太大塊,一啖食唔哂,咬開,肥瘦肉又不均....合格囉...都係鵝片正d.
芽菜豆腐....普通
炒聖子...真係好唔得....聖子本身有沙,師傅大力炒得濟....炒到d聖子殼碎哂...一口肉,一口沙加成口碎殼......想点先?
環境+衛生
本身對打泠都唔期望高,但係佢環境真係差.地下有餸不在話吓,仲有勁多蚊滋,係成羣結隊咁....心都寒
服務
舊式服務,舊式態度,都係打冷預咗啲嘢.不過都催過幾次單....連汽水都要催.
抵食
計埋得得三分一個餸好食(三寶中的咸生菜)$224倆個人打泠真係唔抵食.
後記......
一路食一路燥....心想玩嘢呀?姚東師傅推d咁啲嘢食?走時先發覺自己入咗間叫謤記樂園,街尾又有間叫樂園.雖然係自己睇錯,食錯舖.但係即時有好似入咗黑店的感覺囉,唔係d食物,而係嗰名囉,真係有d誤導.
自己一個唔會再去
同女友唔會再去
同朋友唔會再去
Post
