雲長小龍坎老火鍋 (Closed)

同好友兩個人吹下水，搵左一間好坐又舒服的打邊爈店，雲長小龍坎，主打重慶麻辣鍋，邊打邊吹水。湯底： 紅油麻辣藥膳鴛鴦鍋 $138，一邊係正宗既重慶紅油麻辣鍋，辣度啱啱好👍🏻另一邊係用中藥藥膳鍋，鮮味不錯，好有住家靚湯味，兩邊既鍋底都好味餐廳係餐單上，好細心寫明每一項餸菜要煮幾多分鐘，方便一些客人就住時間，唔會煮得太生或太熟，以防影响食到食物本身的味道及口感。D 食物都好新鮮，羊肉亦沒有什麼騷味，牛舌彈牙爽口。再配埋冰凍啤酒一流。邊打邊傾，傾左成 2 個鐘。打完邊爐之後，仲會送上蘋果味的沙冰，消熱氣一流，順便清一清口腔除味。