百利火鍋海鮮酒家 (Moved) New Location

開始天氣涼，最好就係滾幾滾🤣早嚟所以唔算多人，但越坐越旺場，枱枱都爆滿！今次試吓佢既海底椰子鮮雞鍋，一嚟到就好香海底椰味，雞分開另上。叫咗個手切肥牛（小），招牌墨魚滑，必食石灣蝦公魚腐，白鱔片，聖子皇同菜心！如果2小時內交枱仲有啤酒送添👍🏻雞都好滑唔會‘鞋’口，墨魚滑好爽口彈牙，食落有粒粒墨魚肉，鱔片就普通，唔夠厚切同肥美，仲好多骨添！魚腐其實同平時街食既有咩唔同呢？！食落去好似冇咩分別🤔部長叔叔極力推介聖子皇，都算大隻，好甜，但有少少沙😞菜心真係超甜，好好食，平時多數都叫拼盤，好在今次冇咋😋手切肥牛好香牛味，如果可以肥少少就仲好！