來發火鍋小館

Open Now

Now Closed

來發係我近排最喜愛嘅打邊爐餐廳，原因好簡單，我俾嘅錢主要係花喺食物上面而唔係環境上面，咁當然餐廳嘅環境亦都坐得很舒服企理理乾乾淨淨 。而且又無限時任坐 。我食來食去都係佢哋嘅椰子雞煲，石橄欖雞煲，但係兩個雞煲都好好食，百食不厭 。睇得出佢哋啲雞係有精心挑選過，有雞味。雖然佢哋肉類方面唔係用啲好頂級嘅質素，但係套餐嚟講咁嘅價錢咁既質地已經好對得住我哋呢啲嘅消費者 。丸類同滑類都好出色，好食！我每次都會食佢哋嘅煲仔飯，唔算好有飯焦，飯粒分明醬油調味好 。今次叫咗個白鱔煲仔飯，臘味都好食 。有段小插曲就係有個姐姐喺我同朋友們食到差唔多嘅時候過嚟收嘢，佢由左邊枱執到右邊枱，我地筆左幾碗起泡既湯底 。唔知佢係咪嫌我地筆得太滿 ，佢一路執一路自言自語，因為佢唔係即刻收走，最後碗湯唔小心倒左啲係朋友旁 。其實我地都好直接，倒瀉左即刻處理左佢便好了，但佢又想解釋 。下次呢啲咁危險既野盡快執左佢就好了 。千祈唔好喺度冉冉洋洋。呢段小插曲並唔會對我哋有影響，下次都會再嚟幫襯 。希望食物質素繼續保持水準，而我又可以試更多唔同嘅湯底。