Video
Read full review
2018-05-20
2611 views
作為邊爐愛好者，就算出面30幾度，邊爐都係要得閒食下嘅！夏天邊爐次數減D, 質素要求當然高返D今晚黎到酒店打！邊！爐！餐廳環境一流，位置隔離好闊落，樓底又高，空間感好充足，所以食得好舒服！另外不得不讚員工服務，好friendly 好helpful! 餐廳就好幾款火鍋set, 我地揀左🐂🐖🦐🐟🦀🦑🐚 set~ 乜都有😅均衡飲食！前菜有北海道毛蟹。牡丹蝦。帶子。毛蟹d 羔。。。超甘香！蟹身連爪啖啖肉～蟹怪表示好幸福😀牡丹蝦同帶子唔係話好巨形果d,但係十分鮮甜，個頭盤一流！另外order 左個槽滷冰鎮醉蛋，係staff 推薦嘅真係相當唔錯喎，蛋味好重帶少少酒香，唔好expect 係食開嘅煙燻/茶燻糖心蛋個味道，呢隻蛋味出D,好好食！另外staff 仲推介左個新煲。加$188 可以upgrade 個煲去牛腩牛筋鍋。個鍋夠3~4 個人食，除開都係一人加多幾十蚊～連menu 都未有，當然要試下啦！嘩，不得了～大量牛筋腩蘿蔔煲出黎嘅湯好鬼甜！用黎打邊爐一流，唔會搶左火鍋料嘅味～建議牛筋同蘿蔔唔好即刻食，要留到最尾，等煲到淋哂，索哂味就perfect 喇！而牛腩上枱已經好淋好夠味，可以先食！豚肉同M4
今晚黎到酒店打！邊！爐！
餐廳環境一流，位置隔離好闊落，樓底又高，空間感好充足，所以食得好舒服！
另外不得不讚員工服務，好friendly 好helpful!
餐廳就好幾款火鍋set, 我地揀左🐂🐖🦐🐟🦀🦑🐚 set~ 乜都有😅均衡飲食！
前菜有北海道毛蟹。牡丹蝦。帶子。
毛蟹d 羔。。。超甘香！蟹身連爪啖啖肉～蟹怪表示好幸福😀
牡丹蝦同帶子唔係話好巨形果d,但係十分鮮甜，個頭盤一流！
另外order 左個槽滷冰鎮醉蛋，係staff 推薦嘅
真係相當唔錯喎，蛋味好重帶少少酒香，唔好expect 係食開嘅煙燻/茶燻糖心蛋個味道，呢隻蛋味出D,好好食！
北海道毛蟹。牡丹蝦。帶子。槽滷冰鎮醉蛋
67 views
0 likes
0 comments
另外staff 仲推介左個新煲。加$188 可以upgrade 個煲去牛腩牛筋鍋。個鍋夠3~4 個人食，除開都係一人加多幾十蚊～連menu 都未有，當然要試下啦！
嘩，不得了～
大量牛筋腩蘿蔔煲出黎嘅湯好鬼甜！
用黎打邊爐一流，唔會搶左火鍋料嘅味～
建議牛筋同蘿蔔唔好即刻食，要留到最尾，等煲到淋哂，索哂味就perfect 喇！而牛腩上枱已經好淋好夠味，可以先食！
牛腩牛筋煲
44 views
0 likes
0 comments
豚肉同M4和牛雖然件數唔係多，但係大大件，絕對夠食。而且係高質靚肉！
和牛用牛肩背部份，厚身d 脂肪比例小所以有濃郁牛味同埋好實在。
豚肉都好出色，平時豚肉好驚有陣蘇味，但係呢個就冇，肉味好濃，靚肉淥熟d 出黎都唔會鞋烚烚
澳洲M4 和牛日本四元豚肉
41 views
0 likes
0 comments
菜籃d 菜當然新鮮
最正係居然有又有益又好味嘅秋葵，非常啱打邊爐，拖一拖水，食得！
菜藍
44 views
0 likes
0 comments
海鮮拼盤！
全部海鮮都好鮮甜又爽口而且仲係大碼size 添，有兩杯龍躉魚肉，攤開好大塊厚叠叠，有魚味又唔腥
鮑魚有半隻手板咁大，淥完直頭可以用刀叉食！
海鮮拼盤
54 views
0 likes
0 comments
散叫咗個響鈴
熱辣辣即叫即炸，鬆脆可口，加小小泰式辣醬就食得～唔使落湯，落湯反而會蹝左
即炸響鈴
34 views
0 likes
0 comments
又一味推介菜式，清酒煮貝
店員即席喺你面前煮，爆蒜片同蔥果陣香味超衝擊，加埋清酒，再點火果下當堂留哂口水
成品仲要非常好食！係嗅覺視覺同味覺嘅享受！
日式蒜香清酒煮貝
33 views
0 likes
0 comments
飲品有好多選擇，尢其酒類，不是重點不多介紹lu
食完餐飯，飽飽滯滯。
好彩結尾甜品係好fresh 嘅柚子蕨餅！個組合幾新鮮，未試過，柚子balance返蕨餅嘅甜膩，幾飽都可以清哂。今晚餐飯完美落幕！
柚子蕨餅
37 views
0 likes
0 comments
環境。服務。食物質素絕對值呢個價錢
食得非常開心！下次見！～
Post
