後宮 (Closed)

後宮呢個名好襯呢間店，雖然知道地址，佢唔算易搵，招牌唔太起眼，要好留心先發現到，而且火鍋店要落地庫，帶著一點神秘。落到去俾我感覺好闊落，唔會有壓迫感，最特別係樓梯右手邊有個小廳，可以供客人唱k，一邊打邊爐一邊唱k都幾正👍另外設有兩間VIP房，都有k唱，怕羞嘅食客可以預訂。本身諗住叫秘製沙嗲鍋，但朋友見到花膠雞鍋就俾佢吸引住，佢話養顏喎🤣。呢個鍋有驚喜😱竟然成隻雞放上枱，雞好嫩滑鮮甜，一d都唔鞋口，最好味係個湯，好濃味（愈耐愈濃），感覺冬天飲會好暖身。最後都忍唔住叫左個稻庭烏冬，烏冬吸左湯嘅精華，超正😋火鍋配料叫左鮮墨丸，鮮蝦丸，水魷，鱔片，全部海鮮類😂墨丸好彈牙，入面仲有粒粒墨魚粒，真材實料。水魷爽口，打邊爐必叫，重點份量好多🤭另外我地仲叫左兩款小食：麻辣陳皮魚旦，份量又係勁多，四十幾蚊至少有廿粒，仲平過出面街邊篤魚旦。打邊爐當然唔少得叫返支啤酒，花臉呢款啤酒第一次見，順便叫左碟金沙黃金魚皮送酒，黃金魚皮食落唔油，唔會有油膩感。