Video
Read full review
2018-06-19
79 views
打邊爐莫過於係香港人最鐘意嘅醫肚方法，係銅記附近返工，樓上嘅雞煲就食得多，樓下嘅邊爐一直都想試下，所以今日就一於孖住家姐試下。呢間打邊爐嘅裝湟有別於一般邊爐鋪頭，呢間鋪係行清幽路線，環境企理乾淨！服務員服務非常熱情，一坐低就問我地要咩湯底，店員亦十分細心，見我地兩個女仔都著白色衫，就主動問我地需唔需要圍裙。餐廳嘅飲品都係自助式，飲品嘅選擇都算多，有茶、汽水.......，最特別係有酒，紅酒同白酒都係任飲架！我地揀左藥膳湯底嘅人蔘雞湯，個湯底個人蔘愈煲愈出，但如果好怕油嘅朋友仔要注意，因為隻雞都幾油架。安格斯牛肉呢個碟牛真係必食推介，雖然係送，但餐廳都非常敬業，質素好高，好有牛味，同埋雪花分佈好平均，入口即溶，牛嘅油香味係口入面擴散。海鮮拼盤呢碟海鮮拼盤都係送嘅，入面有超過5種海鮮，如:鮑魚、扇貝、龍躉及青口等，海鮮非常新鮮、十分鮮甜，值得一提係鮑魚十分彈牙。手工丸心機之作，好少打邊爐嘅地方會有手工丸，我最鍾意嘅冬菇壤肉，冬菇好鮮，同埋通常打邊爐都係好唔健康，呢到有另類健康選擇。鴨血鴨血好彈牙，但唔係好入味。花膠&牛骨髓花膠比得好大方，好大塊，好啉口軟滑！牛骨髓好啉，比較特別，唔係間間火
呢間打邊爐嘅裝湟有別於一般邊爐鋪頭，呢間鋪係行清幽路線，環境企理乾淨！
服務員服務非常熱情，一坐低就問我地要咩湯底，店員亦十分細心，見我地兩個女仔都著白色衫，就主動問我地需唔需要圍裙。
餐廳嘅飲品都係自助式，飲品嘅選擇都算多，有茶、汽水.......，最特別係有酒，紅酒同白酒都係任飲架！
我地揀左藥膳湯底嘅人蔘雞湯，個湯底個人蔘愈煲愈出，但如果好怕油嘅朋友仔要注意，因為隻雞都幾油架。
安格斯牛肉
呢個碟牛真係必食推介，雖然係送，但餐廳都非常敬業，質素好高，好有牛味，同埋雪花分佈好平均，入口即溶，牛嘅油香味係口入面擴散。
海鮮拼盤
呢碟海鮮拼盤都係送嘅，入面有超過5種海鮮，如:鮑魚、扇貝、龍躉及青口等，海鮮非常新鮮、十分鮮甜，值得一提係鮑魚十分彈牙。
手工丸
心機之作，好少打邊爐嘅地方會有手工丸，我最鍾意嘅冬菇壤肉，冬菇好鮮，同埋通常打邊爐都係好唔健康，呢到有另類健康選擇。
鴨血
鴨血好彈牙，但唔係好入味。
花膠&牛骨髓
花膠比得好大方，好大塊，好啉口軟滑！
牛骨髓好啉，比較特別，唔係間間火煱店都食到！
裝菜嘅碟好骨緻，好簡潔！
甜品有雪米滋，每人有兩粒，有唔同口味比你揀，好似有雲呢那、芝麻同香芋。
仲有一個特別嘅地方值得提，就係呢到有得睇世界盃，如果係球友，可以約埋三五知己黎睇世界盃。
Post
