靚煲皇 (Closed)

今日落雨又潮濕，冇買餸煮飯，於是去咗樓下間《靚煲皇》打邊爐。湯底我哋揀咗《靚煲皇湯底（細）$198》。個煲唔都唔細，裏面材料豐富，有蝦乾、吊片、扇貝、豬骨、軟骨，等等。湯底味道豐富，睇得又食得。之後我哋叫咗《雪花肥牛》。肥瘦平均，顏色鮮紅，有牛味，口感不錯。《生猛海蝦》有成八隻咁多，而且得出係新鮮蝦，肉質爽口，好食。《芝心丸》次次打邊爐都會叫芝心丸。芝士溶咗喺入邊特別好食。《烏冬》面質彈牙，索曬d湯，好正。《淮山》又係另一必點item。《可樂 王老吉》打邊爐當然要飲冰凍嘅嘢， 飲品都係10幾蚊罐，價錢實惠！