Video
Read full review
2018-08-18
130 views
話說前幾日見到呢間火鍋店開張，當然就第一時間去試新嘢。餐廳地方雖然不大，但枱與枱之間都有相當嘅距離，絕對無好逼狹嘅感覺，而且唔會好似其他火鍋店咁煙霧濔漫，坐得非常舒服，係一班人吹水食飯嘅好地方。坐低就揀湯底，有粥底，蕃茄濃湯脆米或者椰子文昌雞，最後我地揀左椰子文昌雞，貪佢有隻雞可以食。揀完湯底就揀海鮮，海鮮選擇多同埋都係靚嘢，我地揀左肉蟹，鮑魚，大蜆，沙白，蠔，活魚，帶子。揀完海鮮就可以揀多6樣火鍋配料。落完order, 湯底同海鮮配料立刻送上。嘩，隔住個煲蓋都聞到好香嘅椰子味，d海鮮好新鮮，隻沙白仲噴緊水。店員好熱心咁講解點樣煮隻文昌雞，就係等水滾落雞，等大滾後熄火焗7分鐘，餐廳好貼心咁俾埋個計時器我地。對住咁多靚料，呢7分鐘過得特別慢。終於夠時間了，一開蓋二話不說整件雞先。雞肉好滑，烹調時間恰到好處，熟得嚟唔會好老，再配上青檸汁，令味道提升到另一層次，更加清新。食完雞就到海鮮，餐廳提供了烹調海鮮嘅次序同所需時間，令我地唔會因為自己嘅無知而浪費左咁靚嘅食材。隻計時雞又叫啦！食鮑魚時間到啦！鮑魚好鮮甜，爽口，配上火鍋醬料特別好味！肉蟹蟹肉爽實而甜，一咬就知係活蟹，唔係雪藏或者死蟹。魚好
坐低就揀湯底，有粥底，蕃茄濃湯脆米或者椰子文昌雞，最後我地揀左椰子文昌雞，貪佢有隻雞可以食。揀完湯底就揀海鮮，海鮮選擇多同埋都係靚嘢，我地揀左肉蟹，鮑魚，大蜆，沙白，蠔，活魚，帶子。揀完海鮮就可以揀多6樣火鍋配料。
落完order, 湯底同海鮮配料立刻送上。嘩，隔住個煲蓋都聞到好香嘅椰子味，d海鮮好新鮮，隻沙白仲噴緊水。店員好熱心咁講解點樣煮隻文昌雞，就係等水滾落雞，等大滾後熄火焗7分鐘，餐廳好貼心咁俾埋個計時器我地。
對住咁多靚料，呢7分鐘過得特別慢。終於夠時間了，一開蓋二話不說整件雞先。雞肉好滑，烹調時間恰到好處，熟得嚟唔會好老，再配上青檸汁，令味道提升到另一層次，更加清新。
椰子文昌雞
5 views
0 likes
0 comments
食完雞就到海鮮，餐廳提供了烹調海鮮嘅次序同所需時間，令我地唔會因為自己嘅無知而浪費左咁靚嘅食材。
隻計時雞又叫啦！食鮑魚時間到啦！鮑魚好鮮甜，爽口，配上火鍋醬料特別好味！
肉蟹蟹肉爽實而甜，一咬就知係活蟹，唔係雪藏或者死蟹。
魚好滑，沙白好新鮮，隻隻都開口，蠔雖然size不大，但味道非常鮮甜。帶子開左邊，灼一灼就食得，好爽甜。
望一望手錶，原來不知不覺已經吹左好耐水，枱面仲有一堆嘢未食，唔緊要啦，難得相聚，慢慢食，慢慢吹水。
所有食材非常新鮮，價錢合理，係打邊爐不二之選。響鈴係餐廳即叫即炸，非常有誠意，非常好味。只係一個響鈴已經值得再返黎食多幾次，更何況仲有咁多新鮮海鮮，翻焯指數爆晒燈。
Post
