斗滾 (適安大廈)

Open Now

Now Closed

以前呢個位都係食打邊爐，啱啱轉左新老闆，食法雖然有啲相似，但味道就唔同。首先，會先食雞煲，而雞煲係可以任添。不過，我哋食完之後都冇添到，因為好戲在後頭，包你食到郁唔到。之後，就可以享用蒜蓉粉絲蒸海鮮。我哋得兩個人食，但個盤就好大，用荷葉墊底。食物有蜆、扇貝、鮑魚、聖子、蝦等。啲海鮮全部都好新鮮好鮮甜，當我哋食完呢一盤嘅時候，已經覺得好飽。壓軸出場嘅仲有蟲草花花膠烏雞湯，我哋先品嚐個湯，感覺好養生同埋好足料好入味，然後就可以加水打邊爐。打邊爐嘅配料都好有質素，牛頸脊嘅份量雖然係限定，但絕對夠你食。老實講呢個價錢真係好平好抵食，依家諗返起都覺得好飽，下次我會再嚟挑戰的。