路邊煱 (Closed)

同朋友7點幾放工，想搵個地方食晚飯，見今晚咁凍最好緊係都係打邊爐喇, 跟住我地就係openrice揾土瓜灣邊度有好食的邊爐打。之後我地就揾到呢間「路邊煱」，放好啲野我地就即刻諗住叫野，原來呢間野都幾特別，可以用成隻蟹黎做湯底。我地之後就叫左個招牌雜菌花甲蟹鍋，同埋配菜。墨釀油炸鬼個外皮炸得十分脆，但係內裡嘅墨魚滑依然十分嫩滑，非常特別鍋底就上黎喇，果然係成隻蟹係個鍋入面，份量十分足料，蟹肉非常鮮甜而且蟹蓋入面有超多膏。竹笙，將佢放入湯滾幾分鐘就食得，質地爽而脆身，而且湯味好濃，黎到呢度打邊爐絕對係必須要叫。手切新鮮本地肥牛本身係比較普通，放入鍋滾一滾熱就得，意想不到地好味，好香牛肉味，份量也不少，仲好鮮嫩。