真味鮮廚 (Closed)

今晚同屋企人嚟打邊爐，食到一肚氣。叫左個唐生菜，食到一半，發現啲菜入面有條手指尾咁長嘅蟲，竟然生勾勾仲郁緊！即刻叫個侍應埋嚟睇，雖然佢提議幫我地換過一煲，但係同時間竟然叫我地都要體諒下，講笑咁講話菜入面有蟲證明啲菜冇農藥，而且成間餐廳幾百斤菜，冇可能每棵洗得乾淨晒！之後仲話我地啲城市人見到蟲大驚小怪！洗乾淨晒所有食材先拎俾客人，一定係餐廳責任，自己洗得唔乾淨有咩可能叫食客要體諒下！實在係離晒大譜！