渝味曉宇重慶老火鍋 (聚賢逸居) (Closed)

「烚下烚下」一向都係港人至愛🍲但係對於啲飲啖水都會肥嘅體質黎講，打一晚邊爐起碼都會肥返3、4磅🥲所以晚飯聚會一聽到係「打邊爐」都會膽戰心驚🥲直到見到渝味曉宇重慶老火鍋推出期間限定嘅「生酮火鍋湯底養生花膠雞鍋」套餐，生酮飲食 × 打邊爐😧 又健康又過癮，即刻9秒9黎試下～先係選擇適合大夥兒嘅鴛鴦湯底，一邊選擇左生酮湯底，有女士至愛嘅花膠養生雞湯，花膠爽口得黎好厚實，湯底冇加鹽同調味料，份外清甜；另一邊係招牌重慶麻辣湯，淨係睇顏色同辣椒嘅數量，都知道唔惹少🥵 真係食得辣嘅朋友先好叫，後勁相當凌厲🥵🥵🥵除左湯底外，亦有考慮到生酮人士嘅菜單同調味料，好貼心👍🏻 海帶麵 $38 / 半份 4.5 / 5充滿纖維嘅海帶麵麵質較爽脆，仲要低碳低卡，必試！鮮龍躉片 $78 / 半份 4.5 / 5平時打邊爐都係食鯇魚片，有龍躉咁矜貴嘅緊係要叫埋，大片厚切，晶瑩剔透到好似刺身🤤鮮魚膘 $68 / 一份 4.5 / 5又係比較罕有嘅火鍋配料😍 有食開魚膘嘅都知平時要買都好難買，畢竟每條魚都只有一條，有得成份嗌緊係要食！😋牛骨髓 $48 / 半份 4 / 5本身冇味道嘅牛骨髓索湯一流，尤其係