美人鍋 (Closed)

疫情緩和下可以放心出多啲街食飯，今日嚟到觀塘打邊爐，主要見到個名幾得意，因為我都係美人，一人套餐有$168起，套餐內都有好多唔同嘅選擇，裝修好有日本風格。我自己揀忌廉蕃茄湯底，而老公揀和風咖喱湯，蕃茄湯底蕃茄味濃郁，加咗忌廉更加柔順。反而和風咖喱湯咖喱味可以再辣啲更好。最欣賞呢度嘅醬料有超過十幾選擇，有一部份係比較特別，我比較喜歡黑醬油。明太子芝士免治肉，肉質鮮甜；芝麻免治肉，放入湯後芝麻味亦食得到。估唔到雞肉雖然大大件，亦唔會覺得好鞋，保持到雞嘅味道。以佢哋嘅豚肉選擇嘅部份幾靚，切得10分薄，放入湯後幾秒鐘已經可以食得，有口感又咬口，高質素。而佢哋嘅蔬菜盤擺設得好精美，蔬菜嘅款式亦都超過10款，份量亦十分之足夠，做一個健康嘅美人梗係要食多啲蔬菜啦。