靖·火鍋 (Closed)

A姐其中一個好姊妹就嚟要移民喇，佢話佢最唔捨得嘅嘢食就係打邊爐，所以今日就嚟到天后嘅靖·火鍋，食移民前最後一次嘅打邊爐啦！呢間火鍋店除咗食物質素唔錯，更重要係有一個無敵維港靚景，望住香港獨有嘅景色打邊爐，真係一生難忘。養生滋潤藥材鍋/鎮店牛油麻辣湯底去到英國嘅唐人街肯定有麻辣火鍋，但味道肯定大不同，而且肯定無養生湯，所以今次叫嘅鴛鴦湯就滿足晒麻辣湯同養生湯兩個願望。養生湯非常足料，帶有陣陣藥材香味；至於麻辣湯麻香十足，唔會太辣太攻鼻，好有層次。黃油枸杞浸走地雞件雞件就適合配搭養生滋潤藥材鍋，走地雞嘅肉質厚實，但又唔會嚡口，非常嫩滑。新疆紅柳枝羊肉串羊肉串即叫即燒，帶有焦香味道，而且羊肉嘅肉汁被鎖住，食嘅時候夠晒juicy。極品安格斯牛肉牛味香濃，肥美度啱啱好。特色新鮮牛蛙牛蛙完全無泥味，肉質非常嫩滑，特別係脾位，真係滑到癲呀！日本蟹柳蟹柳長長，放落去麻辣鍋就最啱。萵筍片、皇帝菜、蓮藕片蔬菜方面就叫咗萵筍片、皇帝菜同蓮藕片，其中萵筍片同蓮藕片真係同麻辣鍋最夾，索晒味至夠正！新鮮菇菌拼盤份量唔多，兩個人食啱啱好，推介放入養生滋潤藥材鍋，菇嘅香味就會更凸出。手擀三色蔬菜麵想食得健康啲，特別叫