小肥羊 (Closed)

之前從未食過小肥羊，因為價錢較貴。今日和女朋友經過見佢任食兩小時每人$118，加$10包嘢飲，便來試試。我哋叫咗個皮蛋和麻辣湯底。啲牛肉片和羊肉片切得幾薄，都幾好食。每樣嘢都好細碟，幸好我哋得兩個人，細碟啲反而仲好，可以叫多啲唔同款式的食物。我哋還叫了很多以羊製作的食品，有羊肉三寶(肉丸)、手打羊肉和羊排等，味道都過得去。其他食物一般打邊爐都會見到。而我哋都叫咗幾樣熟食，有夫妻肺片、口水雞和青瓜，味道都幾好。兩小時期一到，啲伙記便叫你埋單了，埋單後便無得再叫嘢。幸好當晚不是十分多人，我哋食埋啲嘢，總共坐咗成三小時才走，算係咁了。