芝加哥串燒酒場 (太和中心)

Item: Chicago (Tai Wo Centre)
Rating: 5
Author: grace11238

Chicago (Tai Wo Centre)

4.5

762 Reviews

Taste

Decor

Service

Hygiene

Value

11018

Tai Wo

$101-200

International Wine Skewer Bar Izakaya

Copied to Clipboard

719

grace11238

Level4

104

做完野8點幾收工，難得第二日打風，可以飲收工啤，即刻睇下大埔有咩餐廳選擇，就揀左呢間串燒酒吧一坐低，侍應會放低一杯花生，幾好食😋叫咗兩款小食，第一款係芝士條，要趁熱食先由拉絲效果，之後凍咗食已經爭少少。本身諗住叫薯條，好可惜薯條賣晒，唯有叫番薯條，點蜜糖都幾好食😍串燒叫咗八款，第一轉嚟咗培根蘆筍卷，車厘茄雞髀肉，羊肉串，3款都幾好食，我哋呢間咗小辣，更加惹味🥰第二轉串燒，有牛舌，白鱔，娃娃菜，茄子，豬頸肉，最好食係個牛舌，厚切軟身，而且帶少少鹹香。白鱔都好肥美，如果燒燶少少，個皮脆啲更加好。其餘三款都好好食👍啤酒我就飲左三款，Chicago Logo Beer，Red Horse，Samual Adams Sam’76，三杯之中，Chicago Logo Beer係最好飲，啤酒入邊加咗1塊乾菠蘿，飲落去會甜甜地，幾易入口。Samual Adams Sam’76，都係帶少少甜，比較淡味。至於Red Horse，相對地比較苦，我自己唔太鍾意🤣下一次如果唔使揸車，我都會過嚟啤一啤🍻

Read full review

做完野8點幾收工，難得第二日打風，可以飲收工啤，即刻睇下大埔有咩餐廳選擇，就揀左呢間串燒酒吧

一坐低，侍應會放低一杯花生，幾好食😋

叫咗兩款小食，第一款係芝士條，要趁熱食先由拉絲效果，之後凍咗食已經爭少少。本身諗住叫薯條，好可惜薯條賣晒，唯有叫番薯條，點蜜糖都幾好食😍

串燒叫咗八款，第一轉嚟咗培根蘆筍卷，車厘茄雞髀肉，羊肉串，3款都幾好食，我哋呢間咗小辣，更加惹味🥰

第二轉串燒，有牛舌，白鱔，娃娃菜，茄子，豬頸肉，最好食係個牛舌，厚切軟身，而且帶少少鹹香。白鱔都好肥美，如果燒燶少少，個皮脆啲更加好。其餘三款都好好食👍

啤酒我就飲左三款，Chicago Logo Beer，Red Horse，Samual Adams Sam’76，三杯之中，Chicago Logo Beer係最好飲，啤酒入邊加咗1塊乾菠蘿，飲落去會甜甜地，幾易入口。Samual Adams Sam’76，都係帶少少甜，比較淡味。至於Red Horse，相對地比較苦，我自己唔太鍾意🤣

下一次如果唔使揸車，我都會過嚟啤一啤🍻