燒味滷師 (安發大廈)

Open Now

Now Closed

又打風又落雨😫😫街市多人又濕立立，即刻沖去燒臘舖斬料🙌🏻方便又唔使煮！ 懶人嘅因物👍🏻話說某個地方嘅燒鵝已經買到六百幾七百蚊一隻，真係貴到嚇死人🤭🤭見到呢間嘅燒鵝只係$360蚊一隻！！！！即管睇吓平嘢得唔得先！加埋都係二百幾，真係平過煮餐飯。至尊燒鵝半隻 $180燒鵝皮好脆，肉汁都非常之多，肉質都算幾細嫩，唔會有梅同紙皮嘅感覺！原味手撕雞半隻 $60分量十足嘅手撕雞，大大盒！但略嫌覺得鹹咗少少，自己買咗啲青瓜加落去！好好味，撈埋一齊食啱啱好，又多咗爽口嘅感覺！叉燒佬叉燒 $40雖然鍾意食肥叉，但今次呢盒都唔錯，好夠林。每舊叉燒都沾滿左蜜汁，夠晒味而且唔會乾爭爭，送飯一流！