必勝客 (Closed)

已有一陣子冇食pizza了, 有時都會叫吓外賣, 但始終不及在餐廳食咁好味嘅. 知道Pizza Hut 最近又有扭扭批, 今日就帶埋小朋友嚟食, 親子一番! Order 咗個二人套餐, 另外加咗d小食:蘑菇忌廉雞湯 - 入口香滑! 小公子摯愛, 佢問點解唔係好似氣水咁有得免費添飲? 經典必勝客特式意粉 - 蕃茄醬酸酸地, 幾惹味!繁星雞塊拼魚圈 - 小朋友最鐘意香口炸嘢, 雞塊都ok, 唔鞋!秘製雞鎚 - 雞鎚略為縮水細隻, 味道一般!西班牙白酒藍青口 半份 - 同個名唔係好夾, 亦冇乜白酒香味, 青口殼大肉細, 份量不足!千島海鮮扭扭批 - 之前都食過一次扭扭批, 但覺得呢個有d縮水, 除咗扭扭芝士粒ok外, 個pizza批底好薄, 一向Pizza Hut 嘅厚批都係好食嘅, 但呢個就有d失色, 千島汁味道亦太淡!整體個餐係ok嘅, 最緊要小朋友食得開心啫!