Hooray Bar & Restaurant (Closed)

同朋友食完飯仲未傾完計, 想搵個地方飲嘢, 醒起好耐之前嚟過呢度食飯, 於是帶咗個朋友上去。之前仲擔心落雨無得坐外面, 原來太耐無嚟, 佢哋已經加咗個上蓋。是晚天氣唔算太熱, 我覺得剛剛好, 但朋友就話坐近D風扇佢會舒服D, 無奈每個用盆栽劃分既區域都各只有一把風扇。飲嘢每位最低消費$120, 都唔平喎!不過啱哂我哋呢D扮哂中產之人。我本身唔係好飲酒, 但要扮嘢又點少得一杯cocktail在手呢? 見Menu有signature cocktail, 叫咗一杯Tiramisu, 用Baileys整, 入口好甜, 好似食緊飯後甜品咁。朋友就叫了兩round Guiness。記得上次嚟食飯真係麻麻地, 但傾計飲嘢真係唔錯, 唔會嘈喧巴閉鬥大聲, 有機會會再嚟扮中產。