二家姐正宗原味麻辣火鍋

Open Now

Now Closed

朋友生日，一行13人去食二家姐，本身book咗間房最低消費$2800，但係其實根本唔夠13個人坐，郁吓隻手都頂住晒，明明有房空出嚟問吓佢可唔可以轉，佢就話如果轉房要$5000消費，咁已經好冇癮喇，我都算！每次入嚟放低D嘢食都要行開先比到個位佢上菜，都唔緊要！講真嘢食其實都可以嘅，我啲朋友話啲牛肉好好食㗎，不過服務質素真係要負80分，首先又一話唔轉$5000嗰間房就已經黑面，落嘢食係咁漏單，明明冇客上菜都好慢，最好笑係1點趕我地走扮滅蟲，其實因為得返我哋一台客，全場佢得一個員工喺度等我哋走，所以求其噏扮晒滅蟲，book 果陣明明話3點先閂門！最後食左$5300，食物質素OK！員工服務完全唔OK！每人都要四舊幾水，其實都有好多其他選擇。