青藏牛肉麵 (Closed)

見到青藏兩字諗起孜然粉嘅味道，就黎左試試。裝潢簡簡單單，溫馨小店。麵類分撈麵，湯麵同涼麵。今次三人叫左兩個麵同幾款串燒食，每人平均$75，好抵食。 師傅蒜香撈麵 - 牛 $42牛肉都有六七塊，麵都唔少，麵嘅質地中規中矩，以女仔黎講一碗麵都夠，但男仔可能就差少少先夠飽。蒜味好濃，個味道幾似平時街邊食嘅冷麵，味道較為咸，但配埋佢個湯就變到岩岩好，個湯肉味好出。羊肉涼麵 $45呢個味道就比較清啲，微微酸醋味道，開胃清新，夏天食一流。配料有青瓜絲，蘿蔔絲，半個蕃茄同五六塊羊肉，羊肉騷味好重好重，羊肉配蒜香味食會較為好。涼拌青瓜 $36味道唔錯，好似譚仔口水雞嘅味道，辣辣地，青瓜又爽口。(孜然)串燒拼盤 $68有五串串燒，有翠玉瓜，墨魚丸，芝士腸，雞肉同羊肉。配上孜然粉，又香又好味。青藏烤肉串 $18見到打星星就叫黎試下，都係充滿孜然粉，正，肉質比較有口感，愈咬愈香口，問店員先知原來係鴨胸肉黎。汁燒秋葵 $28食左咁多串燒，點都食返少少菜黎食，因為有汁關係唔會乾爭爭，豉油醬汁配起簡單好味。