武士拉麵 (Closed)

環境呢間武士拉麵係觀塘牛頭角站中間，兩個站落都非常就腳，牛頭角咁多餐廳入面，武士拉麵環境舒服，唔會好似其他餐廳咁逼。食物兩個人去食，我哋叫咗一個足利將軍拉麵（黑蒜油豬骨湯底），同埋一個武士沾麵（柚子魚介Wasabi 沾麵），每一個拉麵都仲可以再揀粗麵，幼面，面質係軟身，正常，定係硬一點，湯底係濃，定係淡等等，非常貼心。沾面湯底比較濃，仲有魚肉，蔥，胡椒係入面，好有心機。至於黑蒜油豬骨湯底，蒜味好出好濃。小食兩客，一份揀咗忌廉蟹肉薯餅-共有兩件，另一個係唐揚炸雞-共有五件。唔會過份多炸粉，即炸即食，無淋曬亦無熱氣感。仲好貼心咁有炸雞醬同沙律醬，好味道呢！