友利冰室 x 勿當奴 (D2 Place TWO) (Closed)

喺荔枝角D2 Place TWO嘅友利冰室x勿當奴，我哋今日食咗佢哋嘅火鍋套餐，好岩兩個人一齊食。呢個套餐有三款鍋底可以揀，有古法雙冬牛腩煲、花膠雲吞雞煲同藥膳花膠雞煲，全部都好吸引，我就揀咗藥膳花膠雞煲。藥膳花膠雞煲入面最少有半隻雞，好滑，而且好有藥膳味，湯底都好濃郁。仲有每日新鮮蔬菜拼盤，已經有生菜、油麥菜、娃娃菜同金菇。仲有台灣肉丸同午餐肉，啖啖都好彈牙。佢仲包埋一份滑身嘅日本豆腐，餐廳入面嘅士多都有得賣。套餐仲有超脆嘅魚皮，發現佢哋嘅食材大部份都係外國入口。最正嘅係呢個套餐仲包埋雪櫃飲品任飲，選擇都好多，至少有兩款綠茶同各款汽水等等。食到已經好飽，原來仲包埋每位一份甜品！有好多唔同味道嘅Movenpick同日本雪糕揀，我就揀咗咖啡同綠茶口味。最後，我哋仲追加咗一個烏冬，因為烏冬吸咗湯底真係好正。當然仲可以加返其他肉類產品啦，不過今日已經食得好飽，下次再試啦。走之前，見到佢哋而家冬季有急凍羊腩煲賣，同埋其他急凍嘅產品，可以去佢哋官網買，下次要試下啦。