發記甜品 (Closed)

食完晚飯, 我地去咗發記食甜品。要等9張枱, 不過都係等咗幾個字啫。我地4個人, 叫咗：(熱)木瓜雪耳：友人話ok, 係我地4個之中唯一一個好食。鮮芒火山：友人話中間白色的冰唔好食, 得d芒果食得落口。士多啤梨棉花冰：一上枱就已經覺得唔好食, 個賣相都係一般。友人食咗幾啖就放棄。淨係食哂d芒果。我食：芒果棉花冰：上枱時個賣相都還可以, 不過一食落口, 過份甜, 似足糖漿味。又唔滑, 個質感又怪怪的。淨係個芒果可取。果d棉花冰, 真係同糖百府差百倍。唔係話發記所有嘢唔好食, 不過唔好食新嘢囉, 食番果d芒果、榴槤pancake就包唔會出事了。