悅火 (Closed)

一直想食呢一間好耐好耐，又有天婦羅、又有慈山、最重要有串燒！加上85同送生啤呢個優惠，必黎食返餐！👍🏻晚市套餐一人前✨前菜四點鴨胸配黑醋、八爪魚、日本粒貝、玉子蛋糕。進食無分先後次序，但有甜有減有酸咁嘅前菜配搭可算有特色✨鮑魚用上磯燒嘅方法去烹調，鮑魚相當入味，咬落爽嫩有肉汁✨刺身有帆立貝、池魚、鰆魚三點，先品嚐帆立貝，肉甜厚嫩；池魚魚味較香濃，特意配上蔥花；鰆魚紋理好清晰，入口鮮香肥美✨爐端燒燒物燒物燒得恰道好處，調味適宜。牛肉味濃，不乾身；雞腿肉爆汁，雞皮薄脆不帶半點油脂感；白鱔勁香，魚脂爆棚；喜歡更加有秋葵、紫薯、蕃茄仔。蕃茄加上咗冰糖去燒，好似食緊冰糖葫蘆一樣！✨天婦羅天婦羅炸得酥脆不油膩，咬落口感薄脆萬分，海老相當大隻，肉質爽甜；日本番薯清甜不帶粉口感。✨海膽鵝肝炒飯滿載着海鮮嘅鹹香度，米飯粒粒金黃，實在滋味。✨甜品以日本奶凍和黃豆粉厥餅作結，滿肚幸福的感覺。👍🏻👍🏻食完飯之後，職員更加會遞上許願紙，俾你寫吓自己嘅願望掛上許願牆。如果一班人聚餐嘅話，更加有榻榻米位置！