Spark Bar & Restaurant (Closed)

好姊妹生日一於搵個有情調嘅餐廳，好好吃餐飯再談談心。朋友推介我去中環一間西餐廳，地點近蘭桂坊，非常方便。餐廳環境舒靜，而且窗外景觀開揚，燈光暗暗的，好有情調。食物選擇不算太多但款式特別，而且意粉款式都非常吸引。飲品名稱全部都係流行歌曲名，玩味又特別。大懶堂入口果香味十足，香香甜甜，好適合女仔飲。餐廳自家製蕃茄包麵包鬆軟綿密，沾上少許橄欖油，更添滋味！Beef Tempura 用紫菜包住Prime Short Rib 去炸，外層酥脆紫菜咸香，牛肉軟嫩多汁，非常美味！Chittarra (Entree)手造意粉口感特別彈牙煙韌，用上龍蝦汁煮過，鮮味十足，蟹肉鮮甜美味，非常喜愛！餐廳星期五晚會有live band 表演，應該氣氛不錯，下次再約朋友星期五晚happy hours ，好好享受一下。