LAVA Bar & Restaurant (Closed)

好難得冇見咁耐嘅朋友敘舊，當然要搵返一個有情調而且比較寧靜、可以談天嘅地方，我哋就揀選左太子酒吧街中的LAVA bar & restaurant。酒吧餐廳門面非常開陽，而且一出門口成條街都係咪錶位，揸車人士非常方便，可以喺正酒吧餐廳門口泊車。餐廳內除咗有好舒適嘅沙發位之外，仲有四人枱，我哋就被安排坐近吧枱嘅位置。隨即我哋就揀咗幾款小食，當中嘅LAVA慢煮牛腩•手工包•千層腐皮非常有特色，一份有兩大件，中間夾著牛腩，底下有腐皮墊住，面頭仲有幾塊洋蔥，食落去好爽口之餘，仲有非常濃郁嘅新鮮牛肉味道，好正。除此之外，馬薩拉炸雞件•地氈酒醃葉酸青瓜、炸魷魚配青檸檬椒同埋西班牙式炸薯粒配溫泉蛋•番茄香椒粒炸得非常香脆可口。飲酒當然要叫西班牙黑毛豬火腿48個月，咁先夠match。最特別嘅係店員推介我哋食蛋黃芯木炭蛋，一份有四件，旁邊仲有平時按摩會見到嘅熱石，如果冇清楚望落去真係分唔出邊啲係食得，食落去口感好得意，外脆內軟，中間仲有蛋黃流出來。餐牌上嘅主菜圖片非常吸引，隨即我就叫左我最鍾意嘅穀飼羊假配火箭菜沙律🥗，一份羊假有兩條，而且好厚肉，食落去肉質鮮嫩，軟林無比，最重要係一啲都唔騷，肉汁唧晒出嚟。