燒烤堂 (Moved) New Location

最近發好多事，想揾個地方同朋友傾吓計，就揀咗嚟呢間走日式居酒屋風格既小店。小店位於旺角，地點相當就腳。店家唔算好大，但坐得好舒服，座位與座位間都相當闊。而店內播住音樂，所以傾計時都好放鬆，唔怕大聲得濟，影響到其他食客。我個人都幾中意食串燒，因為每串份量唔多，咁就可以試多啲款，啱曬眼闊肚窄既我。平時食蔬菜味道好寡，但燒烤出嚟個味道會唔同啲，多咗一層燒香味。燒蘆筍，味道簡簡單單，入口爽脆。我好中意食燒大蔥，個醬汁仲係成個串燒靈魂，將成串味道提升。呢道燒准山入口都幾過癮，脆脆地又黏黏地。除咗燒烤外，我仲點咗柚子醋青瓜，酸酸味道相當開胃。食完蔬菜類，又點少得肉類同海鮮呢。地道牛肉串及雞肉串，配埋個清新檸檬🍋，不過個人覺得燒時間短少少，會更合我口味。以前好討厭食燒鯖魚，但有一次食過後，就愛上，所以點都要嚟一客。魚肉好嫩好滑，加埋檸檬更加鮮。呢個蒜蓉燒廣島蠔不得了咁好味，蠔身好肥美，而且燒既時間掌握得啱啱好，所以入面好juicy! encore 嚟多客！見到餐牌寫呢個係得意之作，好有興趣點嚟試下。鵝肝配多士喺經典之作，呢個組合無得輸。而店家喺傳統中加咗新元素，係兩者間sip咗片青蘋果片，果陣酸酸味