靚煲皇 (Closed)

天氣真係好熱，難得落左場大雨降下溫，小編決定襯呢個機會去打邊爐。叫得靚煲皇點會少得煲，先食完個煲再加湯打邊爐就最岩花心ge小編，可以一次食到兩種食法。小編叫左火焰霸王豬手煲，豬手淋滑彈牙，開火之前更係用玫瑰酒淋面，啖啖玫瑰香，食到唔想停！而且真係火焰霸王，越食越辣，絕對推薦比無辣不歡ge朋友。價錢方面呢個煲係所有煲入面最平，當然有興趣ge朋友可以比多少少錢試下呢間ge招牌靚煲皇（$268），仲有細版靚煲皇（$168）比唔同預算ge朋友選擇。打邊爐配料方面，小編點左白蘿蔔、芝士腸、娃娃菜、響鈴、手打蝦滑、羊片同雪花肥牛，當中小編特別推薦響鈴同雪花肥牛。響鈴新鮮即炸，係小編食過最脆ge響鈴，放好耐先會浸冧，岩晒小編呢d鍾意食脆卜卜響鈴ge人，輕輕浸一浸就上碟，感受新鮮即炸ge脆口感覺。雪花肥牛係小編意想不到ge驚喜，小編作為牛魔王當然一定要點牛，但奈何小編荷包糧盡彈絕，唔忍心揀極上肥牛同手切肥牛，點知雪花肥牛都係手切級數，食落更係牛味十足，真係平靚正！小編打邊爐就食飽飽，但如果有想點小菜ge朋友，或者想同朋友係到把酒談歡，靚煲皇都會係一個好好ge選擇。