Dijaya (Moved) New Location

平時係尖沙咀飲野，通常都揀係諾士佛臺，但今次就去咗朋友介紹嘅尖東嘅Dijaya。酒吧以紫黑色為主色，有種淡淡的神秘感，除咗bar枱，仲有一啲卡位同圓形枱，方便同朋友傾計，把酒談歡~除咗薯片呢啲伴酒小食之外，仲可以叫啲小食泥送酒，一路食一路飲。今次就揀咗小食拼盤，小食種類都算多，有炸雞翼、薯角、雞肉串燒同西班牙腸仔，份量多。薯角炸到又香又脆，伴酒一流；腸仔係我最鐘意嘅脆皮腸；而雞翼同串燒尚算嫩滑，野飲方面，我就叫咗杯peach champagne ，淡淡嘅桃香味，啱哂女仔飲，好易入口，又唔易醉。朋友就叫咗杯long island，色澤就好似一杯真正紅茶一樣，仲有一小片檸檬做伴碟。因為係由幾種酒溝出泥，都算係烈酒，有返咁上下酒量先好點呀。