ATUM Restaurant (Closed)

# #尖沙咀 @atumrestaurant🎨行行下街見到 Atum, 都好耐無食喇! 一間 “把食物融入藝術色彩風格，重新詮釋「美與味」的餐飲體驗” 的餐廳! 以黑、白為主調, 設計型格簡約, 2邊玻璃景觀開揚, 燈光昏暗滿有情調! 🧀無花果沙律、軟芝士、士多啤梨、風乾火腿 $136 ~ 軟芝士好香滑, 奶味唔算重, 口感清新! 無花果好香甜, 好 Fresh 的一道沙律! 🦀咸蛋黃、萵荀、蟹肉特菲麵 $178 ~ 好特別, 幼長而有扭紋的麵條, 掛滿咸蛋黃醬, 咸咸香香, 很開胃! 蟹肉鮮甜份量又多…好滿足! 🥩炭燒大蔥豚五花、焦糖檸檬洋薏米 $208 ~ 薏米軟滑煙靭, 豚五花厚厚的有咬口但不硬, 煎至外層焦香, 肉汁豐厚, 肉味香濃無羶味, 有驚喜! 🍨鹹蛋黃雪糕、豆腐雪糕、黑糖腐皮 $88 ~ 好似食緊鹹蛋一樣, 有沙沙的質感, 口味特別又有層次! 豆腐雪糕有濃濃的豆味, 入口香甜, 味道清新, 同鹹蛋黃成強列對比! 黑糖腐皮…食咗都唔知係腐皮, 入口以為自己食緊脆片, 細緻品嚐就食到腐皮味道! 🦪現凡惠顧海鮮拼盤仲可以有指定甜品一份, 我哋食唔晒, 所以下次喇!