相馬日式火鍋 (Closed)

雖然而家食火鍋都冇分季節，但仍然覺得天冷食特別過癮，在翻起季候風嘅日子，火鍋癮忽然在呼喚，小妹當然嗱嗱聲約埋閨蜜去食返餐，閨蜜係荃灣食神，有佢帶路就十拿九穩，今次就去大鴻輝中心登頂食呢間—相馬日式火鍋~今次揀咗美國特選牛肉，有120分鐘，又可施展宇宙大胃王嘅威力！一人一鍋，湯底就分別選咗豬骨及蕃茄出公海遊一轉先，飲品選擇都好多~蔬菜好多選擇，都幾新鮮喎呢隻大豆芽出邊好少見，好鮮甜，一定要試主角出場，牛肉嫩滑，肉味濃郁，豚肉鮮甜，雞肉閃令令，一睇都知新鮮！啲肉丸雖然唔係手打，但都幾好味，尤其是爆漿豬肉丸及芝心丸，食嘅時候小心辣親個咀仔啊！雪糕用北海道Milk Top，都幾落本，小妹當然食勻朱古力、綠茶及雲呢拿啦，連維記雪米糯都唔放過！