Video
Read full review
2020-03-04
1673 views
響大家都在家工作之際，突然要開會咁就順利去揾下野食，話晒都關左響屋企咁耐。行到健康邨附近，見到一個招牌係紅色星星。初初仲以為係某連鎖三文治店。行到門口都係暗暗的。唔企響門口度望下，基本上呢間餐廳一d 都唔起眼。但一望入去就好想食喇。係扒房格局。好有歐洲舊色餐廳既感覺。皮製座椅既卡位。仲有呢種燈響卡位對上。晚餐選擇有19樣。基本上魚、雞、豬、牛、素菜都有。價錢大部份係$90-$130，除左塊牛扒超過$200，其他18樣都係$200內。我同朋友七點幾到，所以享受唔到佢既八折優惠。只要你係七點前埋單或九點後入座都有八折。叫完餐就有麵包喇！配麵包既橄欖油非常好味，黑醋偏甜，沾太多基本上就食唔到麵包既味道。自家製既麭包微暖，其實俾多兩塊都會食晒。而慢慢嘆呢塊麵之後等左一陣就上埋餐湯喇。菜湯偏甜。而主菜真係無得彈呀。好大份！好彩無加甜品咋！$18一件芝士餅，雖然唔知佢有幾大，但係食完主菜真係無位再食甜品喇。我叫左N 餐，係牛面豬登！好冧，連跟腱都冧晒。我選左配番薯蓉！佢地係用紫薯，而個薯蓉太蓉喇，差左小小口感，成碟主菜都冧，就變左唔突出喇。如果可以有返小小薯粒就更好。朋友叫左G 餐。係厚燒豬。一上
行到健康邨附近，見到一個招牌係紅色星星。初初仲以為係某連鎖三文治店。行到門口都係暗暗的。唔企響門口度望下，基本上呢間餐廳一d 都唔起眼。
但一望入去就好想食喇。係扒房格局。好有歐洲舊色餐廳既感覺。皮製座椅既卡位。仲有呢種燈響卡位對上。
晚餐選擇有19樣。基本上魚、雞、豬、牛、素菜都有。價錢大部份係$90-$130，除左塊牛扒超過$200，其他18樣都係$200內。我同朋友七點幾到，所以享受唔到佢既八折優惠。只要你係七點前埋單或九點後入座都有八折。
叫完餐就有麵包喇！配麵包既橄欖油非常好味，黑醋偏甜，沾太多基本上就食唔到麵包既味道。
自家製既麭包微暖，其實俾多兩塊都會食晒。而慢慢嘆呢塊麵之後等左一陣就上埋餐湯喇。
46 views
0 likes
0 comments
菜湯偏甜。
而主菜真係無得彈呀。好大份！好彩無加甜品咋！$18一件芝士餅，雖然唔知佢有幾大，但係食完主菜真係無位再食甜品喇。
我叫左N 餐，係牛面豬登！好冧，連跟腱都冧晒。我選左配番薯蓉！佢地係用紫薯，而個薯蓉太蓉喇，差左小小口感，成碟主菜都冧，就變左唔突出喇。如果可以有返小小薯粒就更好。
朋友叫左G 餐。係厚燒豬。一上枱就係令人懷念既鐵板，仲會用紙巾遮住黎淋汁上豬扒度。朋友好彩㨂左薯角，如果佢同我一樣㨂薯蓉，應該會燒焦晒。
野食方面我地叫左果汁，而果汁既選擇亦比出面餐廳多，除左普通既橙汁、蘋果汁之外，仲有菠蘿汁同石榴汁。我就叫左石榴汁。用上呢一隻舊歐洲餐廳用杯。
如果唔係咁飽，食埋甜品應該會好圓滿。
Post
