Video
2020-03-21
4385 views
抗疫都要約好友行山，努力完成後當然要獎勵自己，今次選了呢間餐廳食下午茶自助餐，當天中午打電話訂位，入酒店要先探熱，1530開始，我哋早15分鐘到場，未入得場，先攞號碼牌，去完廁所就入得，超喜歡超高樓底及落地玻璃，好開揚無壓迫感，我哋被安排在梳化位置，雖然與食物區較遠，但就有自成一區嘅感覺，食物區好得意地隱蔽在裝飾牆後，食物因疫情每盤都蓋上膠蓋，款式冷熱盤都有幾多選擇，冷鹹牛肉就不是我杯茶，肉質太梅了刺身有4款（三文魚、馬刀貝、象拔蚌、螺頭）水準不錯，都是我喜歡吃的款式，蚌類爽口，三文魚嫩滑！幾新鮮沙律正常嘅蔬菜都有，最開心係沙律醋有幾款可以揀！芝士有好多款，但配芝士嘅麵包片已預先切好，變得都超乾超硬，以前係一條條原條麵包自己切，而家可能抗疫衛生問題唔容許，結果預先切好就乾晒！如果切好入存氣罐就好點熱盤不是我重點：即淥雲吞，首先喜歡可以自選雲吞數目，配雲吞蔬菜又有6款可選（最緊要無我討厭嘅小棠菜）湯底都有兩款（清湯及北京濃湯）麵都有3款（不過唔會自助餐揀麵啦）我試咗清湯菠菜雲吞，雲吞皮薄又滑，餡有大蝦，又爽又彈牙，好味，菠菜嫩滑！湯清甜，好好味（唔係想食其他野嘅真係要encore)蕃茄忌
冷鹹牛肉就不是我杯茶，肉質太梅了
刺身有4款（三文魚、馬刀貝、象拔蚌、螺頭）水準不錯，都是我喜歡吃的款式，蚌類爽口，三文魚嫩滑！幾新鮮
沙律正常嘅蔬菜都有，最開心係沙律醋有幾款可以揀！
芝士有好多款，但配芝士嘅麵包片已預先切好，變得都超乾超硬，以前係一條條原條麵包自己切，而家可能抗疫衛生問題唔容許，結果預先切好就乾晒！如果切好入存氣罐就好點
熱盤不是我重點：
即淥雲吞，首先喜歡可以自選雲吞數目，配雲吞蔬菜又有6款可選（最緊要無我討厭嘅小棠菜）湯底都有兩款（清湯及北京濃湯）麵都有3款（不過唔會自助餐揀麵啦）我試咗清湯菠菜雲吞，雲吞皮薄又滑，餡有大蝦，又爽又彈牙，好味，菠菜嫩滑！湯清甜，好好味（唔係想食其他野嘅真係要encore)
蕃茄忌廉湯：酸酸地又滑開胃
燒肉眼扒切件：燒到5成多熟，已切好晒一件件，不是平時一大塊有廚師即叫即切嗰種，肉質有點硬，幸好牛味夠濃！幾好
白酒煮蜆：蜆肉嫩唔腥，白酒湯夠濃夠香，飲一點湯夠鮮好味
無食：
牛肉漢堡（每個客人都有攞，可惜我食完沙律，想攞時已無晒）
點心
生滾粥（好吸引，但胃容量有限）
炒貴刁，望落賣相有點乾，所以無攞
甜品：（我重點）
名牌杯裝雪糕有3種味道（咖啡☕️、士多啤梨🍓、朱古力🍫）咖啡奶味太重，另兩款好味
軟雪糕🍦只有榴連味，點解～～～（我唔食榴連架）
蛋榚超多款，我有揀嘅都好味呀！尤其喜歡朱古力🍫味嘅兩款，因為朱古力好濃！
熱甜品食咗木桶豆腐花，豆腐花好滑好食
餐飲：
茶嘅款式都好多，仲要係壺上，可以添水，我飲伯爵茶，頭一轉水夠香夠濃，解膩不錯，朋友飲洋甘菊茶，小朋友飲凍檸茶
店員都好有禮，勤快收碟，又不會過份騷擾客人！感覺舒服，食物區職員都好有禮！指定銀行信用卡9折，即係免咗加一服務費
抗疫都要好友相聚
Post
