雲貴軒米線專門店

Open Now

Now Closed

今日第一日政府部門都全面復工，條街即刻多左勁多人，間間食肆都排哂隊，見依間少人啲就埋去攞飛，等左大約5分鐘就有位。抗疫之下有得加6蚊換個小食，揀左胡椒豬肚，同腩肉米線，野食上得幾快，但水準就唔係幾一致啦，我地三碗腩肉米都叫小辣，但三碗辣度都唔一樣，從啲湯嘅顏色已經睇到個分別，一碗係淺橙色，一碗深少少，另一碗係深紅色，好多辣油係表面。當然都明白好難做到碗碗都一樣，都係睇師傅重唔重手，不過都唔好差太遠啦…食落最辣果碗應該接近中辣，都幾麻，味道方面就正常發揮啦，冇話特別好食。個6蚊小食呢就淡淡地，冇乜味嘅，個底有啲滷水汁之類嘅汁，食唔出有胡椒味，最後都係成碟倒哂落去個米線到當麻辣豬肚食。