御品·千之味 (振萬廣場)

Open Now

Now Closed

這天觀塘收工後，便過來日本料理 #御品千之味 購買抗疫套餐，因貪佢價錢合理，食物選擇又多，食材新鮮。 刺身配迷你角切魚生丼，刺身有帶子、甜蝦，北寄貝&三文魚，三文魚肥美，帶子、甜蝦，北寄貝鮮甜爽口。仲有5件美味壽司。角切魚生口感軟綿，加$28配有沙律、螺肉，另選配新鮮肥美嘅赤蝦，晶瑩剔透爽滑口感😋。套餐包咁多嘢食超抵又好滿足。壽司冷麵餐，包5件壽司，唔會有雪味，燒三文魚🍣、燒三文魚腩、白身魚都無筋肥美，鰻魚冇骨，熟蝦肉質彈牙，整體都唔錯！將蟹柳、蟹籽同青瓜撈勻在冷麵上，配合配上的麻醬，加埋脆卜卜嘅蟹籽，好開胃又好味，麵爽滑而且份量足夠。油甘魚壽司，色澤鮮明的魚，新鮮厚身好好味👍。可樂飲品隨餐附送的。